अभिजित देशमुख 

कल्याण : पोटाची खळगी भरण्यासाठी एका तरुणाने चक्क जीवाशी खेळ केल्याचा धक्कादायक प्रकार समोर आला आहे. पैशांसाठी स्वतःला तब्बल बारा तास सिमेंट काँक्रीटच्या बंदिस्त चबूतऱ्यात कोंडून घेतलं होतं. हा प्रकार लक्षात आल्यानंतर पोलीस कर्मचाऱ्यांनी कबुतरा उघडण्यास लावत तरुणाला सुखरूप बाहेर काढले. रोशन पोटासाठी सायकलवर डान्स करणे, काचा खाणे, काचांवर चालणे अशा प्रकारचे जीवघेणे स्टंट करत असल्याची माहिती दिली.

कल्याणजवळील मोहने लहुजी नगर परिसरात हा प्रकार उघडकीस आला आहे. ए. एस .रोशन असे या स्टंट करणाऱ्या तरुणाचे नाव आहे. लहुजी मैदानाच्या मधोमध काही लोकांनी एक सिमेंटचा चबुतरा बनवला आहे. या बंदिस्त चबुतऱ्याच्या आत रोशन याने स्वतःला बारा तास कोंडून घेतले. आजूबाजूचे नागरिक हा खेळ पाहत होते. तसेच या चबुतऱ्यावर पैसे ठेवत होते. धक्कादायक म्हणजे पोलीस चौकीपासून हाकेच्या अंतरावर बारा तास हा सर्व प्रकार सुरू होता. 

पोलिसांनी काढले बाहेर 

दरम्यान या प्रकाराबाबत पोलिसांना माहिती मिळाली. या नंतर वरिष्ठ पोलीस अधिकाऱ्यांना या प्रकरणी पोलीस कर्मचाऱ्यांना तातडीने घटनास्थळी पाठवत कबुतरा उघडण्यास सांगितल. त्यातून रोशन हा सुखरूप बाहेर आला. काही महिलांनी त्याचा सत्कार केला. हा खेळ बघण्यासाठी लोकांची गर्दी होती. यामध्ये लहान मुलांची संख्या जास्त होती. 

धक्कादायक म्हणजे मोहने पोलीस चौकीच्या लागून मैदानावर हा सर्व प्रकार सुरू होते. रोशन याने केलेला हा जीवघेणा खेळ ज्याठिकाणी सुरु केला होता. याबाबत रोशन याने पोटासाठी मी असा प्रकारच्या स्टंट नेहमी करीत असतो. त्यापैकी हा एक स्टंट असल्याचे म्हटले आहे. मात्र रोशनचा हा खेळ पाहून लहान मुलं हे देखील असा खेळ करू शकतात, याची पोलीस प्रशासनाने गंभीर दखल घेतली पाहिजे अशी मागणी केली जात आहे.