अभिजित देशमुख
कल्याण : देशभरात शंभरहून अधिक चोरीचे गुन्हे दाखल असलेल्या सराईत चोरट्याच्या शोधात सहा राज्यातील (Police) पोलीस मागावर होते. या दरम्यान तो गुजरात पोलिसांच्या तावडीतून निसटला असताना कल्याण (Kalyan) कोळशेवाडी पोलिसांनी बेड्या ठोकल्या आहेत. त्याला गुजरात पोलिसांच्या स्वाधीन करण्यात आले आहे. (Latest Marathi News)

रामविलास उर्फ रामा गुप्ता असं ताब्यात घेण्यात आलेल्या चोरट्याचे नाव आहे. गुजरात पोलिस रामविलास गुप्ता या आरोपीला (Crime News) ठाण्यात एका तपासानिमित्त १० एप्रिलला ठाणे नगर येथे घेऊन आले होते. या दरम्यान पोलिसांना गोंगारा देत रामविलास गुजरात पोलिसांच्या (Gujrat Police) तावडीतून निसटला होता. रामविलास हा कुख्यात चोरटा आहे. उत्तर प्रदेशात राहणारा रामविलास गुप्ता याने देशभरात चोरीचे गुन्हे केले आहेत. शंभरहून जास्त गुन्हे रामविलास याच्या विरोधात दाखल आहेत. महाराष्ट्र, कर्नाटक, तेलंगणा, गुजरात, दिल्ली, आंध्र प्रदेश या राज्यात तो अनेक गुन्ह्यात फरार आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

हा सराईत चोरटा पोलिसांच्या ताब्यातून निसटल्याने त्याच्या शोधात अनेक पोलिस पथके काम करीत होती. कल्याणच्या कोळसेवाडी पोलिस स्टेशनचे वरिष्ठ पोलिस निरिक्षक अशोक कदम यांना पोलिस स्टेशनमधील पोलिस अधिकारी दिनकर पगारे यांनी रामविलास बद्दल माहिती दिली. कल्याणचे डिसीपी सचिन गुंजाळ, एसीपी कल्याणजी घेटे, वरिष्ठ पोलिस निरीक्षक अशोक कदम यांनी दिनकर पगारे यांचे पोलिस पथक कल्याणनजीक म्हारळ परिसरातील एका ढाब्यावर पोहोचले. रामविलास त्याठिकाणी बसला असताना पोलिसांनी त्याला चारही बाजूंनी घेरत त्याला ताब्यात घेतले. यानंतर त्याला गुजरात पोलिसांच्या ताब्यात दिले आहे.