अभिजित देशमुख
कल्याण : कल्याण पश्चिमेकडील बाजारपेठ परिसरात दुपारच्या सुमारास पिसाळलेल्या रेड्याने चांगलाच धुमाकूळ (Kalyan) घातला. रस्त्याने गाड्या तुडवत रेडा एका सोसायटीच्या आवारात घुसला. या ठिकाणी देखील वाहनांचे नुकसान केले आहे. (Latest Marathi News)

कल्याण पश्चिमेकडील बाजारपेठ परिसरात मोकाट सुटलेला रेडा धुमाकूळ घालत असल्याचे पाहण्यास मिळाले. रस्त्यावरून धावत नागरिकांसह वाहनांना देखील उडवत गेला. यानंतर हा रेडा एका सोसायटीत घुसून सोसायटीच्या आवारात उभ्या असलेल्या गाड्यांचे देखील रेड्याने नुकसान केले आहे. काही नागरिकांना देखील जोरदार धक्का दिल्याची माहिती आहे. या घटनेमुळे परिसरात एकच भीतीच वातावरण पसरलं होतं. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

अनर्थ टळला 

रेडा सोसायटीच्या आवारात शिरल्याने पुढील अनर्थ टळला. घटनेची माहिती मिळतच अग्निशमन विभाग व पोलिसांचा पथक घटनास्थळी दाखल झाले. अथक प्रयत्नानंतर या रेड्याला बांधण्यात अग्निशमन विभागाच्या जवानांना यश आलं. कल्याण दुर्गाडी जवळील तबेल्यामधून हा रेडा निसटल्याचे माहिती समोर आली आहे.