अभिजित देशमुख 
कल्याण : कर्नाटक राज्यातील काँग्रेसचे मंत्री प्रियांक खर्गे यांनी स्वातंत्र्यवीर सावरकर यांच्याबद्दल आक्षेपार्ह वक्तव्य केले. या वक्तव्यावरून (BJP) भाजपने राज्यभर आक्रमक पवित्रा घेतला आहे. याच दरम्यान (Kalyan) कल्याण भाजप देखील आक्रमक झाले असून खर्गे यांच्या प्रतिमेला जोडो मारो आंदोलन करण्यात आले. (Breaking Marathi News)

प्रियांक खर्गे यांनी केलेल्या वक्तव्याचा निषेध सर्वत्र केला जात आहे. (Kalyan BJP) कल्याण जिल्हा भाजपा युवा मोर्चा जिल्हाध्यक्ष वैभव गायकवाड यांच्या नेतृत्वात भाजपा पदाधिकारी कार्यकर्त्यांनी आज छत्रपती शिवाजी महाराज चौकात राहुल गांधी, मंत्री प्रियांक खर्गे यांच्या विरोधात जोरदार घोषणाबाजी करत निषेध नोंदवला. यावेळी प्रियांक खरगे यांच्या प्रतीकात्मक फोटोला जोडेमार आंदोलन करण्यात आले. तसेच काँग्रेसच्या मांडीला मांडी लावून बसणारे उद्धव ठाकरे, आदित्य ठाकरे गप्प का? असा सवाल केला

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तर जशाच तसे उत्तर 

इथून पुढे जर सावरकरांचा अपमान कुणी केला, तर त्यांना जशास तसे उत्तर देण्यात येईल. त्यांना त्यांची औकात दाखवू असा इशारा देखील यावेळी देण्यात आला. या आंदोलनात भाजप माजी आमदार नरेंद्र पवार, जिल्हाध्यक्ष नरेंद्र सुर्यवंशी, भाजप युवा मोर्चा जिल्हा अध्यक्ष वैभव गायकवाड यांच्यासह भाजप पदाधिकारी कार्यकर्त्यानी सहभाग घेतला होता.