- संजय राठाेड

यवतमाळ : यवतमाळ (yavatmal) जिल्ह्यातील आर्णी तालुक्यातील सावळी सदोबा लगत असलेल्या मौजा आयता गावामध्ये आज (बुधवार) सकाळी आठ वाजता घरगुती गॅसने पेट घेतला असता. घरामध्ये गरोदर महिला (women) व पाच वर्षांची मुलगीच (girl) होती. घरामध्ये असलेल्या गरोदर महिला व पाच वर्षाची मुलगी यांचा आगीत जागीच होरपळून मृत्यू झाला. (yavatmal latest marathi news)

या घटनेत गरोदर महिला काजल विनोद जयस्वाल या मातेचा आणि त्यांची कन्या परी हिचा घरामध्येच होरपळून मृत्यू झाला. आग एवढ्या मोठ्या प्रमाणात लागली असताना गावातील लोकांनी आपल्या जीवाची कुठलीही पर्वा न करता आग विझवण्यासाठी प्रयत्न केले.

तोपर्यंत विनोद जयस्वाल यांच्या कुटुंबाची राख रांगोळी झाली होती. घरामध्ये संसार उपयोगी असलेली एकही साहित्य शिल्लक राहिलेले नव्हते. या आगीमुळे गावात भीतीचे वातावरण झाले होते. गावात ज्या कुटुंबाकडे गॅस आहे त्यांनी भीतीपाेटी सिलेंडर गावा बाहेर नेऊन ठेवले.

Edited By : Siddharth Latkar