- सागर निकवाडे

Nandurbar News :

शहादा तालुक्यातील राजकारणात महत्त्वाचे असलेल्या जयप्रकाश नारायण सहकारी सुतगिरणीचा पंचवार्षिक निवडणूक मोठ्या चुरशीची झाली होती. या निवडणूकीचा निकाल (Jayaprakash Narayan Coop Spinning Mill Election Result) जाहीर झाला. या निवडणुकीत भाजप नेते दीपक पाटील यांच्या नेतृत्वाखाली लोकशाही पॅनलने आपली सत्ता कायम ठेवली आहे. (Maharashtra News)

युवा नेते अभिजीत पाटील यांच्या नेतृत्वाखाली शेतकरी पॅनलने लोकशाही पॅनलला या निवडणुकीत मोठा आव्हान उभं केलं होतं. या निवडणुकीत लोकशाही पॅनलचे उमेदवार विजयी झाले आहेत. या निवडणुकीचा निकाल लागल्यानंतर विजयी उमेदवाराच्या समर्थकांनी तसेच लोकशाही पॅनलच्या कार्यकर्त्यांनी शहादा शहरात एकच जल्लोष केला आहे.

सहकार क्षेत्रात असलेल्या जयप्रकाश नारायण सूतगिरणीची आर्थिक परिस्थिती सध्या बिकट आहे. या परिस्थितीतून सूतगिरणीला सावरण्यासाठी लोकशाही पॅनल प्रयत्न करेल असा विश्वास लोकशाही पॅनलचे नेते दीपक पाटील यांनी व्यक्त केला. दुसरीकडे मतदारांनी आपल्याला भरभरून प्रेम दिला असून मतदारांचा कौल मान्य असल्याची प्रतिक्रिया शेतकरी पॅनलचे नेते अभिजीत पाटील यांनी व्यक्त केली.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar