शेजारच्यांमध्ये किरकोळ वादातून हाणामारी झाली. नंतर दगडफेकही झाली. दगडफेक झाल्यानंतर दोन वाहनांची तोडफोड करण्यात आली. याचा व्हिडिओ सध्या सोशल मीडियात व्हायरल होत आहे. ही घटना जालना शहरातील गांधीनगर भागात घडली आहे. या प्रकरणी पोलिसांनी धाव घेत परिस्थिती हाताळण्याचा प्रयत्न केला. दोन्ही बाजूंची तक्रार घेऊन पोलीस पुढील कारवाई करणार आहेत.

जालना शहरातील गांधीनगर भागात रात्रीच्या सुमारास दोन गटात वाद झाला. शेजारच्यांमध्ये हा वाद झाल्याची माहिती आहे. लहान मुलांच्या किरकोळ कारणावरून दोन गटात तुफान हाणामारी झाली. हाणामारी झाल्यानंतर दगडफेकही करण्यात आली.

दगडफेकीत काही जण किरकोळ जखमी झाले आहेत. या दगडफेकीत वाहनांची तोडफोड देखील झाली आहे. यामुळे वाहनांची प्रचंड नुकसान झाले आहे. दरम्यान हा दोन शेजारी शेजारी राहणाऱ्या कुटुंबाचा वाद असून, या भांडणात कोणतेही जातीय कारण नाही.

पोलिसांना या घटनेची माहिती मिळताच त्यांनी घटनास्थळी धाव घेतली. नंतर परिस्थिती हाताळण्याचा प्रयत्न केला. दोन्ही बाजूंची तक्रार घेऊन पोलिस पुढील कारवाई करणार असून, पोलिस पुढील कारवाई करणार असल्याची माहिती जालन्याचे पोलीस अधीक्षक अजयकुमार बंसल यांनी दिली आहे. या घटनेनंतर परिसरात शातंता पसरली आहे.