जालना : जालना जिल्ह्याचे कुलदैवत असलेल्या अंबड शहरातील मत्‍स्‍योदरी देवीच्या मंदिरात चोरी (Theft) झाल्याची घटना समोर आली आहे. मंदिरातील दानपेटी फोडून (Jalna News) त्यातील रक्कम चोरट्यांनी लांबविली आहे. (Latest Marathi News)

जालना जिल्ह्यातील मत्स्योदरी देवीच्या मंदिरात आज रात्री हि चोरी झाली आहे. अज्ञात चोरट्यानी रात्रीच्या सुमारास मंदिराच्या मागच्या बाजूने मंदिरात प्रवेश करत अक्षरशः देवी समोर असलेल्या लोखंडी दानपेटी फोडून दानपेटीतून मोठी रक्कम पसार केल्याची घटना समोर आली आहे. दानपेटीत पाच ते सात लाख रुपये असल्याची शक्यता आहे. मंदिर प्रशासनाकडून वर्तवले जात आहे. 

श्वान पथक दाखल 

घटनेची माहिती मिळताच अंबड पोलिसासह श्वान पथक घटनास्थळी दाखल झाले असून मध्यरात्रीच्या सुमारास ही चोरी झाल्याचा अंदाज वर्तुला जात आहे. या घटनेने अंबड शहरासह जिल्ह्यात एकच खळबळ उडाली आहे. दरम्यान चोरीच्या घटनेवेळी मंदिर परिसरातील सीसीटीव्ही बंद असल्याची माहिती तपासात समोर आली आहे.