जालना : मराठा आरक्षणासाठी मराठा समाजाचा लढा सुरु आहे. याचे पडसाद अनेक ठिकाणी उमटलेले (Maratha Aarkshan) पहावयास मिळत आहेत. अजून देखील राज्यात अनेक ठिकाणी आंदोलन सुरु आहेत. याच दरम्यान (Jalna) जालन्यातील अंतरवाली सराटीमध्ये आज रास्ता रोको आंदोलन करण्यात आले. (Latest Marathi News)

मराठा आरक्षण आंदोलना दरम्यान जालना येथे पोलिसांकडून झालेल्या लाठी हल्याच्या निषेधार्थ आज अंबड तालुक्यातील लालवाडी  गावातील जालना -वडीगोद्री महामार्गांवर मराठा समाजाच्यावतीने रस्ता रोको आंदोलन करण्यात आलं. यावेळी कार्यकर्त्यांनी घोषणाबाजी करत येत्या १० तारखेपर्यंत मराठा समाजाला आरक्षण जाहीर करा अन्यथा जालना -वडिगोद्री महामार्गांवर एकही वाहन चालू देणार नाही; असा इशारा आंदोलनकर्त्या तरुणांनी दिला. 

पोलिसांच्या निलंबनाची मागणी 

महामार्गावर रास्त रोको आंदोलन करत तरुणांनी प्रचंड घोषणाबाजी केली. आंदोलनकर्त्या कार्यकर्त्यांनी जोरदार घोषणाबाजी करत लाठीचार्च करणाऱ्या पोलिसांच्या निलंबनाची मागणी केली आहे. याबाबत मागण्याचे निवेदनही यावेळी तहसीलदार चंद्रकांत शेळके यांना देण्यात आले.