जालना : मराठा समाजाला आरक्षण मिळावे या मागणीसाठी आंदोलन सुरु आहे. शासन अजून निर्णय घेत नसून (Maratha Aarkshan) मराठा समाजाला आरक्षण मिळावे यासाठी वकील असलेल्या तरुणाने जालन्यात आत्मदहनाचा प्रयत्न केला. (Jalna) जालना जिल्हाधिकारी कार्यालयासमोर हा प्रकार झाला असून पोलिसांनी तरुणाला ताब्यात घेतले आहे. (Tajya Batmya)

भाऊसाहेब वाडेकर असं आत्मदहन करण्याचा प्रयत्न करणाऱ्या वकील तरुणाचं नाव आहे. मराठा समाजाला आरक्षण मिळावे याकरिता मागील आठवड्यापासून आंदोलन सुरु झाले आहे. याच दरम्यान जालन्यात आंदोलकांवर पोलिसांनी लाठीचार्ज केला. यामुळे आंदोलन अधिक तीव्र झाले असून राज्यभरात याचे पडसाद उमटत आहेत. याच दरम्यान मराठा आरक्षण मिळावं या मागणीकरिता आत्मदहन करत असल्याचे भाऊसाहेब वाडेकर या तरुणाने सांगितले. 

पोलिसांनी हस्तक्षेप केल्याने टळला अनर्थ 

जालना जिल्हाधिकारी कार्यालय आवारात झालेल्या या प्रकारात आंतरवाली सराटी येथील मराठा समाजातील महिलांवर लाठीचार्ज करणाऱ्या पोलिसांवर गुन्हे दाखल करण्याच्या मागणीसाठी आत्मदहनाचा प्रयत्न झाला आहे. भाऊसाहेब वाडेकर याने अंगावर पेट्रोल टाकून आत्मदानाचा प्रयत्न करत असताना पोलिसांनी त्याला ताब्यात घेतले.