जालना : जालन्यातून जाणारा समृद्धी महामार्गावर गोल्डन ब्रिजजवळ भरधाव वेगाने जात असलेल्‍या (Samruddhi Highway) कारचे टायर फुटल्याने कारचा अपघात (Accident) झाल्याची घटना घडली. यात तीन जण किरकोळ जखमी झाले आहेत. (Live Marathi News)

मुंबईहून जबलपूरकडे जाणाऱ्या कारच्‍या समोरचा टायर अचानक फुटल्याने चालकाचे नियंत्रण सुटले. यामुळे कार समृद्धी महामार्गाच्या मधोमध असलेल्या डिव्हायडर क्रॉस करून जाऊन आदळली आहे. या अपघातात चालकासह कारमध्ये असलेले प्रवासी जखमी झाले आहेत.

अपघातांची मालिका सुरूच

अपघाताची माहिती मिळताच हायवे पोलिसांनी घटनास्थळी धाव घेऊन समृद्धी महामार्गावर असलेल्या वैद्यकीय अधिकाऱ्यांच्या मदतीने जखमेवर उपचार केले आहे. दरम्यान गेल्या अनेक दिवसापासून समृद्धी महामार्गावर अपघाताच्या घटनेमध्ये मोठ्या प्रमाणात वाढ होत आहे. त्यामुळे सर्वात सुरक्षित समजल्या जाणाऱ्या समृद्धी महामार्ग अपघाताचा महामार्ग म्हणून असे नवी ओळख तयार झाली आहे.