जालना : शेततळ्यात पोहण्यासाठी गेलेल्या तीन बालकांसह एका व्यक्तीचा बुडून मृत्यू झाला. ही दुर्दैवी घटना (Jalna News) जालना तालुक्यातील सामनगाव येथे आज दुपारच्‍या सुमारास घडली. (Breaking Marathi News)

ओमकार कृष्णा पडूळ (वय ६), भागवत कृष्णा पडूळ (वय ९), युवराज भागवत इंगळे (वय ५) व भागवत जगन्नाथ (वय ३२) अशी मयतांची नावं आहेत. भागवत जगन्नाथ हा शेतात काम करत असताना शेतात असलेल्‍या शेततळ्यात मालकाची दोन मुलं आणि त्याचा एक मुलगा घेऊन शेततळ्यात पोहण्यासाठी गेले होते. मात्र यावेळी पोहत असताना मुलं पाण्यात बुडू लागली. हे भागवत याच्‍या लक्षात आले. त्यांना वाचवण्यासाठी भागवत गेले असता त्यांचाही त्यात बुडून मृत्यू झाला.

रुग्णालयात परिवाराचा आक्रोश

दरम्यान घटनेची माहिती मिळताच ग्रामस्थांनी पोलीस आणि अग्निशमन दलाला याची माहिती दिली. त्यानंतर चौघांचेही मृतदेह बाहेर काढून जालना जिल्हा सामान्य रुग्णालयात शवविच्छेदनासाठी आणण्यात आले. दरम्यान या दुर्दैवी घटनेनंतर गाव परिसरात हळहळ व्यक्त करण्यात येत आहे.