जालना : आनंदाचा शिधा सर्व गरीबांना अशी घोषणा सरकारची होती. परंतु, आनंदाच्या शिध्यापासून तृतीयपंथी वंचित राहिल्‍याने जालन्यात (Jalna) आनंदाच्या शिध्यासाठी तृतीयपंथीयांनी भर रस्त्यात उतरून आंदोलन केले. यावेळी तृतीय पंथीयांकडून राज्य सरकार (Maharashtra Goverment) विरोधात घोषणाबाजी झाली. (Maharashtra News)

राज्य सरकारने दिवाळीत (Diwali) प्रत्येक गरिबाला आनंदाचा शिधा वाटपाची घोषणा केली होती. त्यानुसार तृतीयपंथी रेशनच्या दुकानांमध्ये शिधा मागायला गेले असता त्यांना हा शिधा दिला गेला नाही. त्याबरोबर त्यांना देण्यात आलेले रेशन कार्डही (Ration Card) नकली आहे. त्यामुळे या आनंदाच्या शिध्यापासून तृतीयपंथीयांना वंचित ठेवण्यात आले आहे.

राज्‍य सरकारचा निषेध

या सर्व प्रकारचा निषेध म्हणून शहरातील गांधी चमन येथे तृतीयपंथीयांनी भर रस्त्यावर उतरून आंदोलन केले. त्याचबरोबर राज्य सरकार विरोधात जोरदार घोषणाबाजी करत सरकारचा निषेध केला.