जालना : राज्‍यपाल भगतसिंग कोश्‍यारी यांनी शिवाजी महाराजांबद्दल केलेल्‍या वक्‍तव्‍याचे पडसाद सर्वत्र उमटत आहेत. यात आता अधिवेशात देखील त्‍याचे पडसाद उमटू शकतात. त्‍यानुसारच राज्यपाल आहे, तोपर्यंत अधिवेशन होवू देणार नसल्याचा आक्रमक इशारा (Jalna) जालन्याचे आमदार कैलास गोरंट्याल यांनी दिला आहे. (Maharashtra News)

राज्यपाल भगतसिंह कोश्यारी यांनी छत्रपती शिवाजी महाराजांबद्दल वादग्रस्त वक्तव्य केले होते. मात्र त्यांच्यावर कोणतीही (Jalna News) कारवाई झाली नाही. आगामी राज्याचे हिवाळी अधिवेशन होणार आहे. त्यामुळे जोपर्यंत राज्यपाल भगतसिंह कोश्यारी आहे; तोपर्यंत अधिवेशन चालू देणार नसल्याचा इशारा आमदार कैलास गोरंट्याल यांनी दिला आहे.

मुख्यमंत्र्यांनी त्यांच्या मंत्र्यांना आवर घालावा

राज्‍यातील काही मंत्र्यांकडून बेताल वक्‍तव्‍य केली जात आहे. यावर बोलताना आमदार गोरंट्याल यांनी आपली बाजून मांडताना मुख्यमंत्र्यांनी त्यांच्या बेताल मंत्री आणि प्रवक्त्यांना आवर घालावा; असेही गोरंट्याल यांनी म्हटले आहे.