जालना : भावजाई आणि पुतण्यासोबत सुरु असलेल्या शेतीच्या वादाची कुठलीच दखल पोलिस घेत नाही. यामुळे संतप्त शेकऱ्यांनी (Farmer) केदारखेडा गावातील मोबाईल टावरवर चढून शोले स्टाईल (Jalna News) आंदोलनाला सुरुवात केली आहे. अगदी सकाळपासून ते टॉवरवर चढले आहेत. (Breaking Marathi News)

जालना जिल्ह्यातील जवखेडा ठोंबरे गावातील शेतकरी पंडित महादुसिंग बिलगे असं आंदोलन करणाऱ्या शेतकऱ्याचे नाव असून गेल्या अनेक दिवसापासून त्यांचा जवखेडा ठोबरे शिवारात असलेल्या भाऊ हिशाचा जमिनीचा वाद सुरु आहे. या वादातून पुतण्या आणि भावजाई तलवार घेऊन आपल्याला वारंवार मारहाण करत असल्याबाबत तक्रार दिली आहे. याची दखल भोकरदन पोलिस (Police) दखल घेत नसल्याने त्या विरुद्ध या शेतकऱ्यांनी आज सकाळी साडेदहा वाजल्यापासून आंदोलनाला सुरवात केली. 

शेतकरी टॉवरवर चढल्याची माहिती ग्रामस्थांना मिळताच ग्रामस्थांनी टॉवरजवळ धाव घेऊन शेतकऱ्याला खाली उतरण्याची विनवणी केली. मात्र जोपर्यंत संबंधित विरोधात कारवाई होत नाही. तोपर्यंत खाली उतरणार नाही; अशी भूमिका शेतकऱ्यांनी घेतली आहे. घटनेची माहिती मिळताच भोकरदन पोलिसांसह अग्निशमन दलाच्या जवान घटनास्थळी दाखल झाले. मात्र शेतकरी आपल्या मागण्यावर ठाम असल्याने पोलिसांच्या चिंतेत भर पडले आहे.