जालना : राज्यात धनगर समाजाचे आरक्षणासाठी आंदोलन सुरु असून धनगर समाज आरक्षणाचा (Dhangar Reservation) प्रश्न अंतिम टप्प्यात आहे. डिसेंबर महिन्याच्या शेवटच्या आठवड्यात राज्यात धनगर समाज आरक्षणाची अंमलबजावणी करा; अशी मागणी आमदार गोपीचंद पडळकर (Gopichand Padalkar) यांनी केली आहे. (Tajya Batmya)

राज्यभरात धनगर समाजाचे आंदोलन सुरु आहेत. या दरम्यान (Jalna) जालन्यातील जामखेड गावात धनगर समाजाचे आरक्षणासाठी उपोषण सुरु आहे. या उपोषणकर्त्यांची भेट आज आमदार गोपीचंद पडळकर यांनी घेतली. त्यानंतर त्यांनी माध्यमांशी संवाद साधला.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

जालन्यात धनगर समाजाच्या मोर्चावेळी जो प्रकार घडला. हा प्रकार घडवण्यामागे कोण आहे याचा तपास करा; अशी मागणीही पडळकर यांनी केली आहे. जालन्यातील जिल्हाधिकारी आणि अतिरीक्त पोलीस अधीक्षक या अधिकाऱ्यांमागे काही अदृश्य हात आहे का? याची चौकशी करायची मागणी गृहमंत्री देवेंद्र फडणवीस यांच्याकडे करणार असल्याचे पडळकर म्हणाले.