Jalna Badnapur Taluka Collage Techer 12th Class Student News Saam TV
महाराष्ट्र

Jalna Crime News: प्रेमाची फूस लावून शिक्षकानेच बारावीच्या विद्यार्थिनीला पळवलं; बदनापूर तालुक्यातील धक्कादायक घटना

Badnapur Taluka Collage News: जालना जिल्ह्यातून एक धक्कादायक घटना उघडकीस आली आहे. बदनापूर तालुक्यातील ढासला गावात चक्क शिक्षकानेच बारावीच्या विद्यार्थिनीला फूस लावून पळवून नेलं आहे.

लक्ष्मण सोळुंखे, साम टीव्ही जालना

Jalna Badnapur Taluka Crime News: जालना जिल्ह्यातून एक धक्कादायक घटना उघडकीस आली आहे. बदनापूर तालुक्यातील ढासला गावात चक्क शिक्षकानेच बारावीच्या विद्यार्थिनीला फूस लावून पळवून नेलं आहे. मंगळवारी (१३ जून) दुपारी ४ वाजेच्या सुमारास ही घटना घडली. या घटनेमुळे परिसरात एकच खळबळ उडाली असून संतप्त झालेल्या पालकासह परिसरातील नागरिकांनी मुख्याद्यापकाला जाब विचारत शाळेला कुलूप ठोकलं आहे.  (Latest Marathi News)

जोपर्यंत आमची मुलगी परत येत नाही, तोपर्यंत आम्ही शाळेचं कुलूप उघडणार नाही, अशी भूमिका मुलीच्या पालकासह परिसरातील नागरिकांनी घेतली आहे. महेंद्र साठे असं विद्यार्थिनीला पळवून नेणाऱ्या शिक्षकाचं नाव असून तो जळगाव (Jalgaon) जिल्ह्यातील अमळनेर येथील रहिवासी असल्याची माहिती आहे.

मिळालेल्या माहितीनुसार, शिक्षकाने फूस लावून पळवून नेलेली विद्यार्थिनी नुकतीच सोनामाता माध्यमिक आणि उच माध्यमिक हायस्कूलमधून (Jalna News) बारावी परीक्षा पास झाली होती. याच शाळेत महेंद्र साठे हा इंग्रजी विषय शिकवत होता. दरम्यान, बारावी पास झाल्यानंतर महेंद्र याने पीडित विद्यार्थिनीला संगणकाचे क्लास लावण्याचा सल्ला दिला.

बदनापूर येथे क्लास लावून देतो, असे सांगत त्याने मंगळवारी ४ वाजेच्या सुमारास विद्यार्थिनीला तेथे बोलावून घेतले. दरम्यान, विद्यार्थिनी तेथे गेली असता, महेंद्र याने तिला फूस लावून पळवून नेले. हा प्रकार विद्यार्थिनीच्या पालकाच्या लक्षात येताच त्यांनी तातडीने सोनामाता विद्यालयात धाव घेतली.

आमची मुलगी जोपर्यंत परत येत नाही, तोपर्यंत आम्ही शाळा सुरू होऊ देणार नाही, असं म्हणत संतप्त झालेल्या पालकासह परिसरातील नागरिकांनी सोनामाता विद्यालयाला कुलूप ठोकलं. या घटनेमुळे परिसरात काही काळ तणावाचं (Crime News) वातावरण निर्माण झालं होतं.

याप्रकरणी बदनापूर पोलीस ठाण्यात आरोपी शिक्षक महेंद्र साठे याच्याविरोधात गुन्हा दाखल करण्याचे काम सुरू होते. लवकरच आरोपीचा शोध घेतला जाईल आणि विद्यार्थिनीला सुखरूप घरी आणण्यात येईल, असे आश्वासन पोलिसांनी दिले आहे. शाळेतील शिक्षकानेच विद्यार्थिनीला पळवून नेल्याची घटना समोर येताच परिसरात मोठी खळबळ उडाली आहे.

Edited by - Satish Daud

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Maharashtra Police : प्रमोशन रखडले, निवृत्ती जवळ, वरिष्ठ पोलीस निरीक्षकांची फरफट; जाणून घ्या सविस्तर

BMC Recruitment: खुशखबर! बृहन्मुंबई महानगरपालिकेत नोकरीची संधी; पगार ५०,००० रुपये; आजच अर्ज करा

Shravan Somwar Shivamuth: श्रावणात पहिल्या सोमवारी शंकराला कोणती शिवामूठ वाहावी?

Vijay Deverakonda : विजय देवरकोंडाची कडक ॲक्शन; 'किंगडम'चा जबरी ट्रेलर, पाहा VIDEO

Needle-free injection Nagpur: सुई, सूज, वेदना यापैकी काहीच नाही! नागपुरात मिळतंय सुईशिवाय इंजेक्शन

SCROLL FOR NEXT