जालना : जालना जिल्ह्यातील परिसरात मागील काही दिवसांपासून जनावरे चोरीला जात असल्याच्या (Jalna) घटना घडल्या होत्या. यामुळे शेतकरी, पशुपालक मागावर होते. दरम्यान रात्रीच्या सुमारास घोडेगाव परिसरात बैलाची चोरी करताना एक चोरटा (Farmer) शेतकऱ्याच्या नजरेस पडला असता, त्याला पकडून शेतकऱ्यानी चांगलाच चोप दिला. (Maharashtra News)

जालना तालुक्यातील रामनगर, बाजी उम्रज, घोडेगाव परिसरात गेल्या एक वर्षापासून मुक्या जनावराच्या चोरीचा प्रमाण वाढले आहे. त्यामुळे शेतकरी वर्गात चिंतेचे वातावरण पसरले होते. यामुळे शेतकऱ्यांनी ठरवून घेत आखाड्यावर रात्रभर जागे राहण्याची वेळ आली होती. रात्री जागरण करत शेतकरी चोरट्यांच्या मागावर होते. मात्र चोरटे शेतकऱ्यांच्या नजरेस पडत नव्हते. दरम्यान याचं परिसरात (Crime News) रात्री शेतकरी आखाड्यावर असताना बैल चोरीचा प्रयत्न करतांना एक चोर शेतकऱ्यांना आढळून आला.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पाठलाग करत पकडले 

बैल चोरी करताना चोरटा आढळून आल्याने शेतकऱ्यांनी त्याचा पाठलाग करण्यास सुरवात केली. काही अंतरापर्यंत पाठलाग करत या चोराला अखेर पकडण्यात आले. यानंतर चोराला चांगलाच चोप देत साखळदंडाने झाडाला बांधून ठेवले. घटनेची माहिती मौजपुरी (Police) पोलिसांना दिली. पोलिसांनी या चोराला तब्यात घेऊन त्याच्या विरुद्ध गुन्हा दाखल करत या प्रकरणी अधिक तपास सुरु केला आहे.