जालना : दुचाकी चोरून त्यांची चोरटी विक्री करणाऱ्या दोघांना जालन्यातील स्थानिक गुन्हे शाखेच्या पोलिसांनी बेड्या ठोकल्या आहेत. रामधन रुपचंद बालोद आणि पवन प्रताप पिंपळे अशी पोलिसांनी बेड्या ठोकलेल्या आरोपींची नावं आहेत. हे आरोपी जालना, औरंगाबाद नाशिक जिल्ह्यासह परिसरातून दुचाकी चोरुन आणून त्याची विक्री ग्रामीण भागात करत असल्याची माहिती पोलिसांना खबऱ्यांमार्फत मिळाली होती.

हे देखील पहा :

त्यानंतर पोलिसांनी आरोपींना ताब्यात घेऊन विचारपूस केली असता आरोपींनी दुचाकी चोरून विक्री करत असल्याची कबुली दिली. या आरोपींच्या ताब्यातून पोलिसांनी 12 लाख 75 हजार रुपये किमतीच्या 26 दुचाक्या जप्त करण्यात आल्या आहे. जप्त करण्यात आलेल्या दुचाकी या दुचाकी जालना, औरंगाबाद, नाशिक या जिल्ह्यातून चोरण्यात आल्याची कबुली आरोपींनी दिलीय.

आरोपी रामधन रुपचंद बालोद शिंदेबनवाडी (ता.भोकरदन) आणि पवन प्रताप पिंपळे पळसखेडा पिंपळे (ता.भोकरदन) यांच्या विरुद्ध कदीम जालना पोलिस ठाण्यात गुन्हा दाखल करण्यात आला आला असून त्यांना अटक करण्यात आली आहे. दरम्यान, पोलीस या प्रकरणी अधिक चौकशी करत असून या आरोपींकडून आणखी गुन्हे उघडकीस येण्याची शक्यता पोलिसांकडून वर्तविण्यात येत आहे.

Edited By : Krushnarav Sathe