जालना : जालन्यातील (jalna) चांदई एक्को (chandai येथे गावच्या (village) प्रवेशद्वाराला नाव देण्यावरून दोन समाजात नुकताच राडा झाला. त्यामुळे गावात माेठ्या प्रमाणात पाेलीस बंदोबस्त तैनात करण्यात आला आहे. पाेलीसांनी (police) या प्रकरणी व शासकीय मालमत्तेचे नुकसान केल्याने हसनाबाद पोलिस ठण्यात (hasanbad police station) ३०२ लाेकांवर गुन्हा दाखल केला आहे. (jalna chandai latest marathi news)

चांदाेई एक्काे येथे गुरुवारी झालेल्या दगडफेकीनंतर परिस्थिती नियंत्रणात आणण्यासाठी पोलीस कर्मचारी रवी आव्हाड यांच्यासह सहाय्यक पोलीस अधीक्षक विक्रांत देशमुख तसेच पोलिसांनी अश्रूधूरच्या नळकांड्या फाेडल्या आणि गोळीबार केला. यामध्ये दहा जण जखमी झाल्याची प्राथमिक माहिती समोर आली आहे.

जमावाने केलेल्या दगडफेकीत पोलीसांच्या गाडीच्या काचा फुटल्या आहेत. या घटनेत पोलीसांच्या वाहनासह अग्निशमन विभागाच्या (fire brigade) दोन वाहने आणि काही शासकीय वाहनांचे नुकसान झाले आहे.

या प्रकरणी पोलिसांनी २५० जणांविरुद्ध कलम ३०७, ३५३ अन्वेय गुन्हा दाखल केला आहे. याबराेबरच १२ जणांविरुद्ध धार्मिक भावना दुखवून दोन समाजात तेड निर्माण करून दंगल घडून आणल्या प्रकरणी गुन्हा दाखल झाला आहे. तसेच ५० जणांविरुद्ध रस्त्यात टायर पेटवून आग लावल्या प्रकरणी व शासकीय मालमत्तेचे नुकसान केल्याने हसनाबाद पोलिस ठण्यात गुन्हा दाखल करण्यात आला आहे.

Edited By : Siddharth Latkar