जळगाव : जळगाव जिल्‍हा बँक (JDCC Bank) निवडणुकीत भाजपला सपाटून मार खावा लागला आहे. या पराभवानंतर काँग्रेस- राष्ट्रवादीने यू-टर्न घेतल्यानेच आमची कोंडी झाली, असं महाजन म्हणाले होते. त्यावर, आम्ही काही धर्मार्थ दवाखाना सुरू केलेला नाही. राजकारण असंच असतं, असा टोला राष्ट्रवादीचे नेते एकनाथ खडसे (Eknath Khadse) यांनी लगावला आहे.

एकनाथ खडसे यांनी राष्ट्रवादीच्या कार्यलयात कार्यकर्त्यांशी संवाद साधताना बोलत होते. जळगाव जिल्हा बँकेच्या निवडणुकीत भाजप नेते गिरीश महाजन यांची प्रतिष्ठा पणाला लागली होती. जिल्‍हा बँक निवडणुकीनंतर देखील आरोप प्रत्‍यारोपांच्‍या फैरी सुरूच आहेत.

नाथाभाऊ बसला आहे..

जिल्हा बँक निवडणुकीत माजी मंत्री गिरीश महाजन पैसे लावतील अशी उमेदवारांना आशा होती. पण त्यांचा नाऊमेद झाला आहे. उमेदवार मात्र त्यांनी दहा कोटी लावले; तर मी वीस कोटी लावेल. नाथाभाऊ बसला आहे, तुम्ही फक्त लढा असे म्हणत मी नाउमेद असणाऱ्यांना जिल्हा बँक निवडणूक लढायला लावली, असे खडसे म्हणाले.