जळगाव : शहरासह जिल्ह्याचे तापमान बुधवारी (ता. १६) ४१ अंशावर पोचले. नंतर मात्र ४० अंशावर तापमान स्थिर झाले. जिल्ह्यात तापमानाचा पारा १६ ते २१ मार्च दरम्यान ४४ अंशापर्यंत जाईल; असा इशारा हवामान विभागाने (Meteorological Department) अगोदरच दिला होता. त्याचा प्रत्यय येण्यास सुरुवात झाली आहे. मागील दोन दिवसात पारा तीन अंशाने वर गेला आहे. (jalgaon news temperature at 41 degrees An increase of three degrees in two days)

जळगावचे (Jalgaon) तापमान मंगळवारी (ता. १५) ३९ अंश नोंदविले गेले होते. असे असताना ४४ अंश तापमान असल्यासारखे चटके लागत होते. बुधवारी ४१ अंशावर तापमान पोचल्याने सर्वांच्या अंगाची लाहीलाही होऊ लागली आहे. अशातही अनेक जण तापमानापासून (Temperature) बचावात्मक साधनांचा वापर करून आपली नियमित कामे करताना दिसत आहे. सकाळी नऊपासूनच उन्हाचे चटके जाणवू लागले होते.

दोन दिवसात पारा चढला

गेल्‍या आठवड्यात ढगाळ वातावरण व काही ठिकाणी झालेल्‍या पावसामुळे हवेत गारवा निर्माण झाला होता. यामुळे उन्‍हाळा लांबणार अशी शक्‍यता होती. मात्र मागील तीन– चार दिवसांपासून उन्‍हाचा पारा तापू लागला. यानंतर दोन दिवसातच जळगावचे तापमानात तीन अंशाने वाढ होवून पारा ४१ अंशावर पोहचला आहे.