जळगाव : एकीकडे महागाईमुळे सर्वसामान्य नागरिकांचे कंबरडे मोडले आहे. यात पेट्रोलचे भाव गगनाला भिडले असताना महागाईला दिलासा देण्यासाठी (MNS) मनसेतर्फे 54 रुपये लिटर पेट्रोलचे वाटप करण्याचा उपक्रम राबविला. परंतु, हा उपक्रम त्‍यांच्‍यासाठी मनस्‍ताप ठरला. मोजक्‍याच लोकांना स्‍वस्‍तातील पेट्रोल (Petrol) मिळाले अन्‌ पंधरा मिनिटातच उपक्रम आटोपता घेतला. (jalgaon news Petrol at Rs 54 in Jalgaon MNS activity ended in fifteen minutes)

मनसे अध्यक्ष राज ठाकरे यांच्या वाढदिवसानिमित्त जळगाव मनसे कार्यकर्त्यांतर्फे स्वस्त पेट्रोल उपक्रम राबविला. ५४ रूपयात पेट्रोलची माहिती नागरीकांना समजली अन्‌ जळगावातील (Jalgaon News) पेट्रोल पंपावर नागरिकांनी पेट्रोल भरण्यासाठी एकच गर्दी केली होती. पेट्रोल पंप चालकाला देखील ही गर्दी थोपवणे कठीण झाले होते. यामुळे पेट्रोल पंपच बंद केला.

नागरीकांचा झाला हिरमोड

मनसेने राबविलेला हा उपक्रम काही वेळातच बंद करावा लागला. ५४ लिटर पेट्रोल मिळविण्यासाठी पंपावर वाहनधारकांच्या रांगा लागल्या. यात ढकला ढकल होत असल्‍याने स्वस्त पेट्रोल विक्री बंद झाल्याने रांगेतील नागरीकांचा हिरमोड झाला.