जळगाव : सोने– चांदीच्‍या दरात चढ उतार कायम सुरूच आहे. धनत्रयोदशी, लक्ष्‍मीपुजनाच्‍या दिवशी (Gold Price Today) सोने चांदी खरेदी मोठ्या प्रमाणा झाली असताना सोन्‍याचे दर खाली आले आहेत. सोने तिनशे रूपयांनी कमी झाल्‍याचे सुवर्ण बाजारात पहावयास मिळाले. (Maharashtra News)

सध्‍या सुरू असलेल्‍या दीपोत्‍सवात दागिने खरेदी (Gold And Silver) होत असून लग्‍नसराईला देखील सुरवात होणार असल्‍याने मागणी आणखी वाढणार आहे. यात गेल्या महिन्यात ५२ हजार रुपयांच्या पुढे गेलेले सोन्याचे भाव आता ५० ते ५१ हजार रुपयांच्या दरम्यान आहे. दिवाळी (Diwali) झाल्यानंतर तुळशीविवाह होऊन लग्नसराईला सुरुवात होईल. या काळात सोने- चांदीचे भाव वाढण्याची शक्यता असून त्यामुळे सध्याच्या भावात सोने घेणे फायदेशीर ठरणार आहे.

सोने तिनशे रूपयांनी कमी

गेल्या आठवड्यात अर्थात १८ ऑक्टोबरला सोने ५० हजार ७०० रुपयांवर होते. यानंतर धनत्रयोदशीला सोन्‍याचे दर ५१ हजार ५०० रुपयांवर पोहचले होते. तेच दर लक्ष्‍मीपुजनाच्‍या दिवशी ३०० रुपयांनी कमी होऊन ५१ हजार २०० रुपये झाले. तर चांदीचे दर गेल्या तीन दिवसांपासून ५९ हजार रुपये प्रति किलोवर आहेत