जळगाव : आंतरराष्ट्रीय बाजारपेठेतील चढउतारामुळे गेल्या दिवसांपासून सोने- चांदीच्या भावात सातत्याने वाढ होत आहे. यात मागील महिनाभरातच सोने, चांदीच्या दरात (Gold Price Today) वाढ झाली असून सोने दरात प्रतितोळा तीन हजार, तर चांदीच्या (Silver) दरात प्रतिकिलो साडेपाच हजारांची वाढ झाली आहे. (Maharashtra News)

लग्नसराई सुरू झाल्यानंतर सोने चांदीच्या भावात (Gold Rate) सातत्याने वाढ होत आहे. त्यात गेल्या पाच दिवसात तर अधिकच वाढ होत आहे. जागतिक पातळीवर मागणी वाढण्यासह भारतीय रुपयाच्या तुलनेत डॉलरचे दर वधारत असल्याने सोने - चांदीच्या भावात वाढ होत आहे.

दिवाळीत दर होते स्‍थीर

गेल्या महिन्यात सुरू झालेल्या (Marriage) लग्नसराईमुळे सोन्याला प्रचंड मागणी होत आहे. सुवर्ण व्यावसायिकांच्या अनुभवानुसार सोने, चांदीच्या दरात हवीतशी भाववाढ होत नव्हती. आता चांगला दर सोने, चांदीला मिळाला आहे. दिवाळीच्‍या दरम्‍यान सोन्याचा दर प्रतितोळा ५१ हजार, तर चांदीचा प्रतिकिलो ५९ हजार होता. तोच दर पाडवा, भाऊबीजेनंतर २८ ऑक्टोबरपर्यंत कायम होता.

दिवाळीच्‍या दरम्‍यान अर्थात २९ ऑक्टोबरला सोन्याच्या दरात दोनशे, तर चांदीच्या दरात पाचशेची घट झाली होती. ४ नोव्हेंबरला सोने प्रतितोळा ५० हजार ८००, तर चांदी ५९ हजार ५०० (जीएसटीविना) होते. १८ नोव्हेंबरला सोन्याचे दर प्रतितोळा ५२ हजार ५००, तर चांदी ६२ हजारांपर्यंत (जीएसटी) पोचले होते. तसेच २५ नोव्हेंबरला चांदीत तब्बल दीड हजारांची वाढ होऊन चांदी ६३ हजार ५०० पर्यंत पोचली होती. १ डिसेंबरपासूनही सोने-चांदीच्या दरात सातत्याने वाढ होत आहे. आज सोने ५३ हजारांवर, तर चांदी ६४ हजारांवर पोचली.