कळमसरे (जळगाव) : सततची नापीकी व कर्जबाजारीपणाला कंटाळून कळमसरे येथील विष्णु रामदास चौधरी (वय६५) या शेतकऱ्याने आत्‍महत्‍या केली. सदर घटना मंगळवारी (८ फेब्रुवारी) घडली. (jalgaon news farmer Suicide due to infertility and debt)

गेल्या दोन वर्षांपासून निसर्गाच्या लहरीपणामुळे कधी अतिवृष्टी तर कधी ढगफुटी यामुळे हातातोंडाशी आलेले पीक वाया गेले. त्यातून बियाणे, किटकनाशके, खते यांची देणी फेडत नाकीनऊ आले. शिवाय (Crop Debt) पीककर्ज व हात उसनवारीतुन झालेल्या तीन– चार लाखांचा कर्जाचा डोंगर कसा उतरणार, या विवंचनेत विष्णु चौधरी हे बऱ्याच दिवसांपासून नैराश्यमय होते. शेतात यावर्षी खर्च करूनही खर्च वजा जाता उप्पन्न न आल्याने ते कर्जबाजारी झाल्याने त्यांनी टोकाची भूमिका (Farmer Suicide) घेतली असे कुटुंबियांनी सांगितले. त्यांच्यावर पिककर्ज व हात उसनवारीचे सुमारे साडे तीन लाख रूपयांचे कर्ज असल्याचे निकटवर्तीकडून सांगण्यात आले.

सकाळी सर्वांच्‍या घेतल्‍या भेटी

पत्नी आणि मुलगा काही कामानिमित्त बाहेरगावी गेले हेाते. आज सकाळी (Farmer) त्यांनी नित्य नियमानुसार मंदीरावर जावून सर्वांची भेट घेतली. यानंतर त्यांनी आपल्या स्वमालकीच्या पिठाची गिरिणीच्या स्टोअर रूमला साडीचे दोरीने गळफास घेऊन आत्महत्या केली. दुपारी जेवणाला आले नाही; यासाठी तपास केला असता ते गळफास घेतलेल्या अवस्थेत दिसुन आले. त्यांना तात्काळ अमळनेर (Amalner) येथील ग्रामीण रुग्णालयात दाखल केले असता त्यांना डॉक्टरानी मृत घोषित केले. मृत विष्णु चौधरी यांचे पुतणे देवीदास चौधरी यांच्या खबरीवरुन मारवड पोलीस ठाण्यात अकस्मात मृत्युची नोंद करण्यात आली.