Jalgaon News Saam tv
महाराष्ट्र

Jalgaon : बनावट सही- शिक्क्यांद्वारे तयार केले नियुक्तीपत्र; भुसावळ येथील तरुणावर गुन्हा दाखल

Jalgaon News : निवड झालेल्या उमेदवारांचे नियुक्तीचे आदेश जिल्हा परिषदेच्या मुख्य कार्यकारी अधिकाऱ्यांच्या स्वाक्षरीने संकेतस्थळावर प्रसिद्ध करण्यात आले आहेत. तर उमेदवारांना मेल आयडीवर माहिती देण्यात आली

Rajesh Sonwane

जळगाव : जळगाव जिल्हा परिषदेंतर्गत भरण्यात येत असलेल्या आरोग्य सेवक या पदावर नियुक्ती मिळविण्यासाठी जिल्हा आरोग्य अधिकाऱ्यांचा बनावट शिक्का व स्कॅन केलेल्या स्वाक्षरीद्वारे बनावट नियुक्ती पत्र तयार करण्यात आल्याचे प्रकार समोर आला आहे. या प्रकरणी नियुक्ती पत्र तयार करणाऱ्या भुसावळ येथील तरुणाविरोधात जळगाव शहर पोलिसात गुन्हा दाखल करण्यात आला आहे.

शासनाच्या सार्वजनिक आरोग्य विभागांतर्गत आरोग्य सेवक पदासाठी भरती प्रक्रिया राबविण्यात आली होती. यात निवड झालेल्या उमेदवारांचे नियुक्तीचे आदेश जिल्हा परिषदेच्या मुख्य कार्यकारी अधिकाऱ्यांच्या स्वाक्षरीने संकेतस्थळावर प्रसिद्ध करण्यात आले आहेत. तर उमेदवारांना देखील त्यांच्या मेल आयडीवर माहिती देण्यात आली. याच आदेशाचा संदर्भ वापरून भुसावळ येथील अमोल कैलास सुशीर याने आरोग्यसेवक पदावर नियुक्तीचा आदेश बनवून घेतला. 

स्कॅन केलेल्या सहीचा वापर 

बनावट नियुक्ती आदेश बनवून सार्वजनिक आरोग्य विभागाचा तसेच जिल्हा आरोग्य अधिकाऱ्यांचा शिक्का व स्कॅन केलेली सही वापरल्याचे आढळून आले आहे. दरम्यान बनावट आदेश मुक्ताईनगर पंचायत समितीच्या कार्यालयीन अधीक्षकांकडून जिल्हा परिषदेच्या सहायक प्रशासन अधिकाऱ्यांकडे आल्यानंतर हा प्रकार उघडकीस आला. बनावट आदेशात व मूळ आदेशात तफावत आढळून आलेली आहे. 

पोलिसात गुन्हा दाखल
आरोग्य सेवक पद नियुक्तीसाठी संबंधिताने बनावट सही, शिक्के वापरून शासनाची फसवणूक केल्याचे समोर आले. या प्रकरणी जिल्हा आरोग्य अधिकारी डॉ. सचिन भायेकर यांनी शहर पोलिस ठाण्यात फिर्याद दिली असून त्यावरून अमोल सुशीर याच्याविरुद्ध गुन्हा दाखल करण्यात आला आहे. पुढील तपास पोलीस करत आहेत.

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Bhiwandi Accident: देवदर्शनावरून घरी परतताना काळाचा घाला; मुंबई-नाशिक महामार्गावर दुचाकीचा अपघात, बापलेकीचा मृत्यू

Leopard Attack: मैत्रीला जागला...! बिबट्याचा कुत्र्यावर हल्ला, श्वानाच्या निडर मैत्रीसमोर बिबट्याची माघार Video Viral

IPS Anjana Krishna: आधी वाद नंतर अजितदादांची स्पष्टीकरणाची पोस्ट; उपमुख्यमंत्र्यांनाच पॉवर दाखवणारी अंजली कृष्णा नेमक्या कोण?

Vanraj Andekar Case: तोच महिना अन् आंदेकर टोळीने नाना पेठेतच आयुषचा गेम केला, पुण्यात रक्तरंजित थरार

HIV: एचआयव्हीच्या रुग्णांनी कोणत्या गोष्टी केल्या पाहिजेत?

SCROLL FOR NEXT