जळगाव : शहरातील बिबानगरमधील रहिवासी आणि अवघ्या तीनच महिन्यांपूर्वीच लग्न झालेल्या (Jalgaon News) तरुणाने गळफास घेऊन आत्महत्या केली. जितेश अनिल राठोड (वय २५), असे मृताचे नाव आहे. (Breaking Marathi News)

जळगाव शहरातील बिबानगर परिसरातील रहिवासी जितेश राठोड रिक्षा चालवून कुटुंबाचा उदरनिर्वाह करीत होता. त्याचे आई–वडिल व मोठा भाऊ (Marriage) द्वारकानगरात वास्तव्याला आहेत. बुधवारी (१९ जुलै) घरी परतल्यावर पत्नीसोबत रात्रीचे जेवण करून झोपायला गेला. रात्री साडेबाराच्या सुमारास त्याने राहत्या घरात गळफास घेतला.

पतीला पाहून पत्‍नी हादरली

रात्रीच जितेशच्या पत्नीला हा प्रकार लक्षात आला. तिने भेदरून शेजाऱ्यांना सांगितले. सासू आणि सासऱ्यांना बोलावून घेतले. आत्महत्येचे कारण समजू शकले नाही. जितेशचे २२ मेस लग्न झाले होते. तालुका पोलिसांनी घटनास्थळी येऊन पंचनामा केला व मृतदेह नातेवाइकांचा ताब्यात दिला. या प्रकरणी जळगाव तालुका पोलिस ठाण्यात आकस्मिक मृत्यूची नोंद झाली आहे.