जळगाव : वाघुर धरण क्षेत्रात संततधार पावसाने जलाशयाच्या पाणी पातळी मध्ये वाढ होत आहे. सद्यस्थितीत वाघूर धरणाचे आठ दरवाजे उघडण्यात आले आहे. यामुळे मोठ्या प्रमाणात पाण्याचा विसर्ग होत आहे. (jalgaon-news-eight-doors-of-the-tiger-opened-Discharge-of-large-water)

जिल्‍ह्यात काही भागात शनिवारी सायंकाळी पावसाने जोरदार हजेरी लावली. तर वाघूर धरणाच्या पाणलोट क्षेत्रात झालेल्या पावसाने धरणाच्या पाणीसाठ्यात वाढ झाली. त्यामुळे आज सकाळी धरणाचे ४ दरवाजे २० सें.मी. ने उघडण्यात आले आहे. धरणातून २७०० क्युसेस पाण्याचा विसर्ग करण्यात येत होता. यानंतर आणखी चार दरवाजे उघडण्यात आले आहे.

१३ हजार क्‍युसेक विसर्ग

आठ दरवाजे उघडण्यात आल्‍याने धरउणातून १३ हजार ३७७ क्‍युसेक विसर्ग होत आहे. यामुळे नदीला पुर आला असून कोणीही नदीपात्राजवळ जाऊ नये; असे आवाहन कार्यकारी अभियंता जळगाव पाटबंधारे विभाग जळगाव यांनी केले आहे.