जळगाव : सुरतहून मुळगावी झारखंड येथे जाण्यासाठी रेल्वे प्रवासात असलेले दाम्पत्य रेल्वेने प्रवास करत होते. दरम्यान प्रवासातच दत्तक घेतलेल्या १ महिन्याच्या बालिकेचा (Railway) अचानक मृत्यू झाल्याची घटना सोमवार (२३ ऑक्टोम्बर) मध्यरात्रीनंतर अडीच वाजेच्या सुमारास घडली. (Bhusawal) भुसावळ रेल्वे पोलिसात या प्रकरणी अकस्मात मृत्यूची नोंद करण्यात आली आहे. (Breaking Marathi News)

राबीया हुमायू अन्सारी (रा. झारखंड ह.मु.सुरत गुजरात) असे मृत बालिकेचे नाव आहे. रेल्वे पेालिसांनी दिलेल्या माहितीनुसार, झारखंड येथील रहिवाशी हुमायू अन्सारी (वय ३०) पत्नी गुडीया यांच्यासह सुरत (गुजरात) येथे कामानिमित्त वास्तव्यास आहेत. रेडीमेड कापड कारखान्यात ते नोकरीला आहे. लग्न झाल्यापासून १० वर्षापर्यंत अन्सारी दांपत्याला अपत्य नव्हते. म्हणून हुमायू यांनी शालक यांची एक महिन्याची मुलगी दत्तक (Jalgaon) घेतली होती. रविवार (२२ ऑक्टोम्बर) रोजी ते झारखंडला जाण्यासाठी सुरत येथून रेल्वेने निघाले. प्रवासात मध्यरात्री अडीच वाजेच्या सुमारास सोमवार (ता. २३) धरणगाव येथून रेल्वे जात असतांना चिमुरडी राबीयाची प्रकृती अचानक खराब झाल्याने औषधोपचारासाठी अन्सारी दाम्पत्य भुसावळ रेल्वेस्थानकावर गाडी आल्यावर प्रवास थांबवुन येथे उतरले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

भुसावळ रेल्वे पोलीसांच्या मदतीने जळगाव जिल्हा शासकीय वैद्यकीय महाविद्यालयात राबियाला दाखल करण्यात आले. वैद्यकीय अधिकारी यांनी तपासणी अंती मयत घोषीत केले. यावेळी बालिकेचे निधन झाल्याने दाम्पत्याने एकच आक्रोश केला होता. सकाळी ११ वाजता शवविच्छेदन करून मृतदेह नातेवाईकांच्या ताब्यात देण्यात आला. याबाबत भुसावळ रेल्वे पोलीसात अकस्मात मृत्यूची नोंद करण्यात आली. तपास रेल्वे पोलीस कर्मचारी आनंद सरोदे करीत आहे.