जळगाव : सुवर्ण बाजारात गेल्‍या काही दिवसांपासून चढ– उतार पहावयास मिळत आहे. यात देशाच्‍या अर्थसंकल्‍पात (Gold) सोने व चांदीची (Silver) दरवाढतील अशी घोषणा झाली. यानंतर त्‍याच दिवशी ही दरवाढ झाली आहे. (Maharashtra News)

विदेशातून आयात होणाऱ्या सोने, चांदी, प्लॅटिनमचे दर वाढणार असल्याची घोषणा केंद्रीय अर्थसंकल्पात होताच सोने, चांदीच्या भावांत वाढ सुरू झाली. सकाळच्या तुलनेत दुपारपर्यंत सोन्याचे भाव ६५० रुपयांनी वाढून सोने ५८ हजार १५० रुपये प्रतितोळ्यावर पोहोचले. तसेच चांदीच्याही भावात ५०० रुपयांची वाढ होऊन ती ६९ हजार ५०० रुपये प्रतिकिलोवर पोहोचली.

खरेदी सुरूच

सोने व चांदीचे दर वाढ होत असली तरी सुवर्ण बाजारात सुरू असलेली खरेदी सुरूच आहे. लग्‍नसराई असल्‍याने खरेदी होत आहे. तर दर वाढत असताना गुंतवणूकीच्‍या दृष्‍टीने देखील अनेकजण खरेदी करत आहेत.