जळगाव : शहरासह विविध मंदीरातील साहित्य चोरी करणाऱ्या अट्टल गुन्हेगाराला स्थानिक गुन्हे शाखेच्या पथकाने (LCB) अटक केली आहे. सुरेश बबनराव केवारे (वय ६५ मुळ रा. खामगांव, बुलढाणा ह.मु जळगांव (Jalgaon) रेल्वे स्टेशन मागे) असे अटकेतील गुन्हेगाराचे नाव आहे. (Letest Marathi News)

जळगावतील गजानन नगरामधील जागृत महादेव मंदिरात चोरी केल्याचा गुन्हा जिल्हापेठ पेालिस (Police) ठाण्यात दाखल आहे. अटकेतील सुरेश केवारे हा रेकॉर्डवरील गुन्हेगार (Crime News) असून गजानन नगरातील चोरीच्या घटनेत केवारे असल्याची गुप्त माहिती निरीक्षक किशनराव नजनपाटिल यांना मिळाली होती. त्यांच्या पथकातील विजयसिंग पाटील, सुधाकर अंभोरे, जितेंद्र पाटील, अकरम शेख, विजय पाटील, नितीन बाविस्कर, प्रीतम पाटील, अविनाश देवरे, हरीष परदेशी यांच्या पथकाने रेल्वे स्टेशन मागील पुलाखालून सुरेशला ताब्यात घेतले.

आणखी काही चोरीच्या घटना

पोलिसांनी खातरपाणी केल्यावर त्याने गुन्ह्याची कबुली दिली असून शहरातील आणखी काही चोरीच्या घटना उघड होण्याची शक्यता वर्तवली जात आहे. यापुर्वी सुरेश कैवारे याला जळगांव शहर पोस्टे मंदीरातून साहित्य चोरीच्या गुन्‍ह्यात १ वर्ष शिक्षा झालेली आहे. शिक्षा भोगुन आल्यावर त्याने पुन्हा चोरीचा धंदा सुरु केला आहे.