पाचोरा (जळगाव) : जळगाव येथील आयुष अकादमीत शिक्षण घेणारे विद्यार्थी, विद्यार्थिनी पिकअपच्या धडकेत मृत झाल्याची घटना घडली. विद्यार्थिनी जळगावची तर विद्यार्थी भामरे (ता. चाळीसगाव) येथील आहे. पोलिसांनी (Police) अकस्मात मृत्यूची नोंद केली आहे. (jalgaon news accident news Student dies in accident)

जळगाव (Jalgaon) येथे आयुष अकादमीत तेजस महेर (वय 20) हा विद्यार्थी पोलीस भरतीची तयारी करत असून गुरुवारी जळगाव येथे सैन्य भरतीची पूर्व परीक्षा देऊन तो लोहटार (ता. पाचोरा) येथे नातेवाईकांकडे मुक्कामी होता. गाळण (ता. पाचोरा) येथे बारावी मराठीचा पेपर देण्यासाठी येणाऱ्या जळगाव येथील पायल पवार (वय 19) ही विद्यार्थिनी जळगाव रेल्वे स्थानकावरून जलद गाडीत बसली.

तरूणीला उतरावे लागले चाळीसगाव

गाडी पाचोरा येथे न थांबल्याने पायल चाळीसगाव (Chalisgaon) स्थानकावर उतरली. तिने आयुष्य अकादमीच्या शिक्षकांना याबाबतची माहिती दिल्यानंतर त्यांनी याच अकादमीचा विद्यार्थी तेजस महेर यास भ्रमणध्वनीवरून सांगितले, की पायल पवारचा गाळण येथे बारावीचा पेपर असून ती चाळीसगाव रेल्वे (Railway) स्थानकावर असल्‍याचे सांगितले. यानंतर तेजस आपल्या नातलगाची दुचाकी (क्र. एमएच 14 जीक्यू 4144) घेऊन चाळीसगाव रेल्वेस्थानकावर गेला.

भरधाव गाडीची धडक

तेथून पायलला घेऊन दूचाकीने गाळणकडे येत होते. दरम्‍यान भडाळी -भामरे रोडवर भरधाव पिकअपने त्यांच्या दुचाकीस धडक (Accident) दिली. त्यात तेजसचा जागीच मृत्यू झाला. तर पायलला जखमी अवस्थेत चाळीसगाव येथे खासगी रुग्णालयात दाखल केले असता उपचारादरम्यान तिचा देखील मृत्यू झाला. तेजस व पायल हे दोघे जळगाव येथे आयुष्य अकादमीत पोलीस भरतीची तयारी करीत होते.