जळगाव : जळगावातील गोदावरी फाऊंडेशन संचलीत गोदावरी आयएमआर महाविद्यालयासमोर उभ्या कारवर अज्ञात माथेफिरूने दगडफेक करून नुकसान केल्याची घटना घडली असून या प्रकरणी एमआयडीसी पोलीस स्थानकात गुन्हा दाखल करण्यात आला आहे.

या घटनेबाबत मिळालेल्या माहितीनुसार, गोदावरी आयएमआर महाविद्यालयावर अज्ञात इसमांनी दगडफेक केली. यात महाविद्यालयाच्या एमएच १९ बीयू ७००५ क्रमांकाच्या वाहनाच्या काचेची तोडफोड करून नुकसान करण्यात आले आहे. या प्रकरणी महाविद्यालयाचे कर्मचारी मयूर हेमराज पाटील यांनी दिलेल्या फिर्यादीवरून एमआयडीसी पोलीस स्थानकात अज्ञात माथेफिरूच्या विरोधात गुन्हा दाखल करण्यात आला आहे.