बापाच्या नात्याला काळिमा फासणारी बातमी समोर आली आहे. जळगावच्या जामनेर तालुक्यातील मोहाडी येथे जन्मदात्या बापानेच आपल्या अल्पवयीन मुलीवर अत्याचार केल्याची माहिती आहे. याप्रकरणी पोलिसांनी आरोपीला ताब्यात घेतले आहे. तसेच पोलिसांनी घटनेचे गांभीर्य लक्षात घेऊन आरोपी बापाला ताब्यात घेतले आहे. या घटनेने परिसरात संताप व्यक्त केला जात आहे.मृत मुलीचे वडील म्हणजेच आरपीचे नाव भास्कर भिल असे आहे.

पोलिसांनी दिलेल्या माहितीनुसार, काही दिवसांपूर्वी आरोपीचा त्याच्या पत्नीसोबत वाद झाला होता. कौटुंबिक वादानंतर पत्नी माहेरी निघून गेली होती. त्यावेळी घरात दोन मुली आणि एक मुलगा होते. याच दरम्यान शुक्रवारी २१ ऑगस्ट रोजी मध्यरात्रीच्या सुमारास संशयित भास्कर भिल याने आपल्या अल्पवयीन मुलीवर अत्याचार केल्याचा आरोप आहे.

घटनेनंतर पीडित मुलगी मानसिक धक्क्यात होती. मात्र, दुसऱ्या दिवशी तिने धाडस करून आपल्या आजीला घडलेला प्रकार सांगितला. आजीला घटनेची माहिती मिळाल्यानंतर प्रकरण उघडकीस आले. त्यानंतर पोलिसांना माहिती देण्यात आली. माहिती मिळताच पोलिसांनी या प्रकरणाची गांभीर्याने दखल घेत तपास सुरू केला.

प्राथमिक चौकशीनंतर संशयिताला ताब्यात घेण्यात आले. त्याच्याविरुद्ध अल्पवयीन मुलीवरील लैंगिक अत्याचाराच्या आरोपाखाली पॉक्सो कायद्यान्वये गुन्हा दाखल करण्यात आला असून, त्याला अटक करण्यात आली आहे. या प्रकरणाचा पुढील तपास प्रभारी अधिकारी स्वप्नील शिंदे यांच्या मार्गदर्शनाखाली सुरू आहे. पोलिसांकडून घटनेशी संबंधित विविध बाबींची चौकशी केली जात आहे. अल्पवयीन मुलीवर तिच्याच वडिलांकडून अत्याचार झाल्याची घटना समोर आल्याने मोहाडीसह जामनेर परिसरात या घटनेबाबत तीव्र संताप व्यक्त होत आहे. या प्रकरणात कायद्यानुसार कठोर कारवाई व्हावी, अशी मागणी नागरिकांकडून केली जात आहे.