चाळीसगाव (जळगाव) : कन्नड घाटामध्ये बोढरे शिवारामध्ये एका महिलेच्‍या मृतदेहाचा हाडाचा सांगाडा (Crime News) आढळून आला. यासंदर्भात वनपाल दीपक किशन जाधव यांनी फिर्याद दिली आहे. याप्रकरणी अज्ञात इसमाविरुद्ध ग्रामीण पोलीस (Police) ठाण्यात गुन्हा दाखल करण्यात आला आहे. (Tajya Batmya)

पोलीस सूत्रांकडून मिळालेल्‍या माहितीनुसार कन्नड घाटाच्या पायथ्याशी असलेल्या दर्ग्यापासून अंदाजे दोनशे मीटर अंतरावर काटेरी झुडपात एका गोणपाटात मृतदेहाचे हाडे आढळून आले. एका अज्ञाताने महिलेचा खून करून मृतदेह आणून फेकल्याची शक्यता वर्तविली जात आहे. पोलिसांनी पंचनामा करीत हाडाचा सांगाडा जप्त केला आहे.

दोन महिन्‍यांपुर्वी हत्‍येची शक्‍यता

गोणपाटात हाडे, केस, कवटी, महिलेची साडी, ब्लाऊज परकर तसेच बांगड्या असे आढळून आले आहे. पोलिसांच्‍या माहितीनुसार दोन ते तीन महिन्यांपूर्वी महिलेची हत्या करुन मृतदेह गोणपाटात भरुन विल्हेवाट लावण्यात आल्याची शक्यता पोलिसांनी व्यक्त केली आहे. पुढील तपास ग्रामीण पोलीस निरीक्षक ज्ञानेश्वर जाधव करीत आहेत.