बोदवड (जळगाव) : बोदवड शहरातील वंजारी वाड्यात घराचे बांधकाम सुरु असून येथे स्लॅब टाकण्याचे काम सुरु होते. स्लॅब टाकताना वर जाणारी क्रेन अचानक तुटली. यावेळी जेवणासाठी घरी जात असलेल्या तरुणाच्या अंगावर पडल्याने त्याचा मृत्यू (Death) झाल्याची घटना घडली. ही दुर्दैवी घटना (Bodwad) बोदवड येथे २४ डिसेंबरला घडली.  (Breaking Marathi News)

प्रकाश नारायण पालवे (वय ३७, राहणार वंजारी वाडा) असे घटनेतील मृत तरुणाचे नाव आहे. प्रकाश पालवे याच्या घरची (Jalgaon News) परिस्थिती हलाकीची आहे. दरम्यान तो कपाशीची गाडी भरण्यासाठी गेलेला होता. दुपारी साडेबारा ते एकच्या दरम्यान तो जेवण करण्यासाठी घरी जात होता. यावेळी घराजवळच शेजारी बांधकाम चालू होते. स्लॅब टाकण्याचे काम क्रेन मशीनने सुरू होते. यावेळी प्रकाश हा घरी जेवणाला जात असताना लोखंडी क्रेनचा छावडा अचानक त्याच्या अंगावर तुटून पडला. यात त्याचा मृत्यू झाला. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

जेवणासाठी वाट पाहत होती पत्नी 

गावातच काम असल्याने दुपारी जेवण करण्यासाठी येणार असल्याचे सांगून प्रकाश गेला होता. यामुळे पत्नी घरी जेवणासाठी वाट पाहत होती. परंतु घरी जेवणाला जात असतानाच ही दुर्दैवी घटना घडली. प्रकाश याच्या पक्षात पत्नी व लहान मुलगी आहे. याप्रकरणी विजय भगवान वंजारी यांच्या फिर्यादीवरून बोदवड पोलीस स्टेशनमध्ये अकस्मात मृत्यूची नोंद करण्यात आली आहे. पुढील तपास रवींद्र गुरसळ करीत आहेत.