अमळनेर (जळगाव) : मुले कामानिमित्ताने बाहेरगावी तर पत्नी गावी गेली होती. या दरम्यान घरात एकटे (Jalgaon) असलेल्या ७५ वर्षीय वृद्धाने गळफास घेत आत्महत्या केली. ही घटना खापरखेडा गावात मंगळवारी (ता. २८) दुपारच्या सुमारास उघडकीस अली. (Maharashtra News)

खापरखेडा (ता. अमळनेर) येथील साहेबराव दामू पाटील (वय ७५) हे अल्पभूधारक शेतकरी असून दोन बिघे शेतीवर त्यांचा व पत्नीचा उदरनिर्वाह होता. त्यांची मुले कामानिमित्ताने बाहेरगावी राहत होती. तर साहेबराव यांच्या पत्नी गावी गेल्या होत्या. या दरम्यान २८ नोव्हेंबरला त्यांचे नातेवाईक त्यांना जेवणासाठी बोलवायला गेले असता त्यांनी राहत्या घरी छताच्या लोखंडी रॉडला दोराने गळफास लावून घेतल्याचे दिसून आले. अमळनेर ग्रामीण रुग्णालयात दाखल केले असता डॉक्टरांनी मृत घोषित केले. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

नापिकी, कर्जाचा बोजा 

साहेबराव पाटील यांचे आतेभाऊ बाबूलाल पाटील यांच्या फिर्यादीवरून मारवड पोलिसांत अकस्मात मृत्यूची नोंद करण्यात आली आहे. त्यांच्यावर शेतीचे व हातउसनवारीचे कर्ज असल्याची माहिती कुटुंबीयांनी दिली आहे. नापिकी व कर्जाच्या विवंचनेत त्यांनी आत्महत्या केल्याची चर्चा होती