अमळनेर (जळगाव) : किरकोळ कारणावरून वाद निर्माण होऊन वाद मारहाणीपर्यंत पोहचतो. अशाच प्रकारे जुना वाद असताना शेत रस्त्यावरून नव्याने झालेल्या वादातून शेतकऱ्याला मारहाण करण्यात आली. यात शेतकऱ्याचा मृत्यू झाल्याची घटना अमळनेर तालुक्यातील मालपूर येथे घडली. याप्रकरणी आठ जणांविरोधात खुनाचा गुन्हा दाखल करण्यात आला.

प्रभाकर विनायक पाटील (वय ४७) असे मारहाणीत मृत्यू झालेल्या इसमाचे नाव आहे. सदरची घटना १९ मे रोजी रात्री आठ वाजेच्या सुमारास उघडकीस आली. याप्रकरणी मृतांची पत्नी उज्वलाबाई प्रभाकर पाटील (वय ३५) यांनी मारवड पोलिसात (Police) तक्रार दिली. दरम्यान १९ मे रोजी दुपारी साडेचार ते साडेपाच वाजेच्या सुमारास मालपूर शिवारात त्यांचे पती प्रभाकर पाटील हे शेतात (Jalgaon) जाणाऱ्या रस्त्यावर मुरुम टाकत होते. 

या दरम्यान मुरुम टाकण्याच्या कारणावरुन जुना वाद उफाडून काढत गावातीलच  ज्ञानेश्वर लहू पाटील. राजेंद्र लह पाटील. दिलबर लह पाटील. रुपेश ज्ञानेश्वर पाटील, शिवाजी भगवान पवार, लहू यादव पाटील, सुनंदा राजेंद्र पाटील, निर्जला राजेंद्र पाटील यांनी प्रभाकर पाटील यांना लाकडी काठ्यांनी मारहाण केली. (Crime News) यात त्यांचा मृत्यू झाला असल्याचे तक्रारीत म्हटले आहे. घटनेची माहिती मिळताच घटनास्थळी मारवड पोलिस दाखल झाले. दरम्यान पोलिसांनी पंचनामा करत उज्वलाबाई पाटील यांच्या तक्रारीवरून आठ जणांवर गुन्हा दाखल करण्यात आला आहे.