अमळनेर (जळगाव) : प्रवाशांनी भरलेली रिक्षा वळण रस्त्यावर पलटी होऊन यात एका महिला प्रवाशाच्या मृत्यू झाला आहे. ही घटना (Amalner) अमळनेर शहरातील बसस्थानकाजवळ घडली (Accident) आहे. याप्रकरणी अमळनेर पोलीस ठाण्यात रिक्षा चालकावर गुन्हा दाखल करण्यात आला आहे. (Breaking Marathi News)

अमळनेर तालुक्यातील कोंढवळ येथील रहिवाशी कलाबाई बुधा पाटील (वय ५८) असे मृत महिलेचे नाव आहे. कलाबाई या ६ सप्टेंबरला कामानिमित्ताने रिक्षाने (Jalgaon News) अमळनेर येथून आपल्या गावी जात होत्या. त्यावेळी बसस्थानकाजवळील वळणावर रिक्षा चालक राजेंद्र रामदास भिल याचा ताबा सुटल्याने रिक्षा पलटी झाली. या अपघातात कलाबाई पाटील खाली पडल्या. त्यांच्या अंगावर रिक्षा पडल्याने त्या दबल्या गेल्या. या अपघातात डोक्याला गंभीर दुखापत झाल्याने त्यांचा मृत्यू झाला. 

घटना घडल्यानंतर पोलिसांनी घटनास्थळी जाऊन पंचनामा केला. दरम्यान मयत महिलेचा पुतण्या योगेश रघुनाथ पाटील यांनी दिलेल्या फिर्यादीवरून रिक्षा चालक राजेंद्र भिल विरोधात अमळनेर पोलीस ठाण्यात गुन्हा दाखल करण्यात आला. पुढील तपास महिला पोलीस उपनिरीक्षक अक्षता इंगळे करीत आहे.