जळगाव, ता. १० ऑगस्ट २०२४

जळगावकरांसाठी एक महत्वाची आणि आनंदाची बातमी समोर आली आहे. जळगाव विमानतळावरुन गोवा-जळगाव- हैदराबाद व गोवा-जळगाव-पुणे अशी विमान सेवा सुरू केली आहे. त्यामुळे हिवाळ्यात गोवा येथे पर्यटनाला जाणाऱ्यांना आता दररोज विमान सेवा उपलब्ध होणार आहे.

याबाबत सविस्तर माहिती अशी की, जळगाव विमानतळावरून 'फ्लाय ९१' विमान कंपनीने गोवा-जळगाव- हैदराबाद व गोवा-जळगाव-पुणे अशी विमान सेवा सुरू केली आहे. कंपनीने आता हिवाळी वेळापत्रक तयार केले असून यात गोवा-जळगाव- हैदराबाद ही विमान सेवा २७ ऑक्टोबर ते २९ मार्च २०२५ दरम्यान दररोज असणार आहे.

त्यामुळे हिवाळ्यात गोवा येथे पर्यटनाला जाणाऱ्यांना आता दररोज विमान सेवा उपलब्ध होणार आहे.उडान ५.० योजनेअंतर्गत जळगाव विमानतळावरून 'फ्लाय ९१' विमान कंपनीने गोवा-जळगाव- र हैदराबाद अशी विमान सेवा ही आठवड्यातून तीन दिवस तर गोवा- जळगाव-पुणे ही विमान सेवा आठवड्यातून चार दिवस सुरू केली आहे.

फ्लाय ९१ कंपनीने आता हिवाळी वेळापत्रक तयार केले असून यात गोवा-जळगाव-हैदराबाद ही विमान सेवा ऑक्टोबर महिन्यापासून दररोज सुरू करणार आहे. पुणे व मुंबई सेवा कधी नियमित सुरू होणार? याची नागरिकांना प्रतीक्षा आहे.