जळगाव : श्रावण सोमवार असल्याने भाविक जवळच्या महादेव मंदिरात दर्शनासाठी भाविक जात होते. दरम्यान जळगावपासून जवळच असलेल्या वडनगरी येथील महादेव मंदिरात दर्शन घेऊन घराकडे निघालेल्या दुचाकीला ट्रकने जोरदार धडक दिली. यात दुचाकीस्वाराचा जागीच मृत्यू झाला. तर अन्य एकजण गंभीर जखमी आहे. 

चोपडा (Chopda) तालुक्यातील धानोरा येथील बाबू प्रल्हाद कोळी (वय ४५) असे अपघातात मृत झालेल्या व्यक्तीचे नाव आहे. दरम्यान (Jalgaon) जळगाव तालुक्यातील वडनगरी येथील बडे जटाधारी महादेव मंदिरात सोमवारी बाळू कोळी व त्यांचा मित्र पिंटू सुतार हे सोबत दर्शनाला आले होते. दर्शन घेतल्यानंतर ते दुचाकीने घरी जाण्यासाठी निघाले होते. दर्शन घेऊन मंदिरापासून काही अंतरावरच गेले असताना मागून भरधाव वेगाने आलेल्या ट्रकने दुचाकीला जोरदार धडक दिली. 

ट्रकने दिलेल्या धडकेत बाळू कोळी व पिंटू सुतार हे दुचाकीवरून रस्त्यावर कोसळले. त्यात बाळू कोळी यांच्या डोक्याला गंभीर दुखापत झाल्यामुळे त्यांचा जागीच मृत्यू झाला. तर पिंटू सुतार हे गंभीर जखमी झाले आहेत. (Accident) अपघात झाल्याने मंदिरात आलेल्या भाविकांनी जखमीला जिल्हा शासकीय वैद्यकीय महाविद्यालय व रुग्णालयात दाखल केले. याबाबत तालुका पोलिसांत गुन्हा दाखल करण्याचे काम सुरू होते.