Parbhani : परभणी (parbhani) जिल्ह्यातील बोरीहून जिंतूरकडे (bori jintur accident news) पायी येत असलेले सौम्य सागर मुनी महाराज (sagar jain muni maharaj) यांच्यासह अन्य एकजण दुचाकीने धडक दिल्याने गंभीर जखमी झाले आहेत. दाेन्ही जखमींना विश्रांतीचा सल्ला वैद्यकीय अधिका-यांनी दिला आहे. (Maharashtra News)

ही घटना रविवारी सायंकाळी सहा वाजण्याच्या सुमारास घडली. या घटनेबद्दल मिळालेल्या माहितीनूसार एका दुचाकीने जैनमुनी महाराज यांना जोरदार धडक दिली. या अपघातात महाराजांसह दोघेजण गंभीर जखमी झाले.

सौम्य जैनमुनी महाराजांसह सहा महाराज बोरीहून जिंतूरला पायी चालत येत हाेते. त्यांच्यात एकमेंकापासून काही अंतर पडले होते. दोन भक्तांसोबत सौम्य सागर महाराज पुढे चालत असताना दरम्यान तिघेजण बसलेले दुचाकी भरधाव वेगाने पाठीमागून आले. या दुचाकीने त्यांना जोरदार धडक दिली.

तिघे तरुण मोबाईलवर रिल्स बनवत होते. दुचाकीच्या धडकेने महाराज व त्यांच्यासोबत असलेल्या संकेत मोहारे या दोघांच्या पायाला जबर मार लागला. संकेत मोहारे यास परभणी येथे उपचारासाठी पाठवण्यात आले.

महाराज कोणत्याही वाहनाचा वापर करत नसल्याने त्यांना स्ट्रेचरवर झोपवून तरूणांनी त्यांना अपघाताच्या ठिकाणापासून जिंतूरपर्यंत बारा किलाे मीटर अंतर पायी चालत आणले. महाराजांच्या पायाला गंभीर मार लागलेला असला तरी सुर्यास्तानंतर ते काही घेत नसल्याने त्यांनी औषधोपचार घेण्यास नकार दिला. डॉ. परिहार यांच्या रूग्णालयात महाराजांना विश्रांती घेण्याची विनंती करण्यात आली आहे अशी माहिती देण्यात आली आहे.

Edited By : Siddharth Latkar