अमरावती - कायदा व सुव्यवस्था राखण्याची जवाबदारी पोलिसांची असली तरी अवैध गुटखा विक्रीवर प्रतिबंध घालण्याचे काम अन्न व औषध प्रशासन विभागाचे आहे. अवैध गुटखा विक्रीची माहिती मिळाल्यास पोलीस स्वतःहून कारवाई करतातच मात्र संबंधित विभागाने देखील पोलिसांना माहिती दिल्यास नक्कीच कारवाई केली जाईल.

हे देखील पहा :

मात्र, गुटखा बंदीची अंमलबजावणी हे काम प्रामुख्याने अन्न व औषध प्रशासन विभागाचे असल्याचं गृहराज्यमंत्री सतेज पाटील यांनी अमरावती येथे पत्रकार परिषदेत बोलताना सांगितले. गृह राज्यमंत्री सतेज पाटील हे आज अमरावती जिल्ह्याच्या दौऱ्यावर आले असता त्यांनी शहरातील कायदा व सुव्यवस्थेचा आढावा घेतला तसेच नगरविकास, राज्य परिवहन महामंडळ, परिवहन विभागासह इतर विभागांची देखील आढावा बैठक घेतली.

राज्यभरात एसटी कर्मचाऱ्यांचे आंदोलन सुरु असून सर्वसामान्य प्रवाशांना याचा फटका बसला आहे. राज्य सरकार व एसटी कर्मचाऱ्यांच्या संघटनांची चर्चा सुरु असून आपले आंदोलन मागे घेण्याची विनंती कर्मचाऱ्यांना करण्यात आली आहे. ज्या ग्राहकावर एसटी अवलंबून आहे त्याला अशा प्रकारे अडचणीत आणणे योग्य नाही असही पाटील यावेळी बोलताना म्हणाले.

Edited By : Krushnarav Sathe