सांगली : सांगली (Sangli) जिल्ह्यातील इस्लामपूर (islampur) येथील शिवसेनेच्या (shivsena) माजी नगरसेविका प्रतिभा शिंदे यांचे पती शिवकुमार दिनकर शिंदे यांच्यावर लोखंडी गजाने खुनी हल्‍ला केल्याप्रकरणी तिघा संशयितांना इस्लामपूर पोलिसांनी (police) ताब्यात घेतले आहे. (Shivsena Latest Marathi News)

शिवकुमार शिंदे हे सोमवारी सकाळी दूध घेवून मोटारसायकलवरून घरी निघाले होते. मंत्री कॉलनी ते हनुमाननगर रस्त्या दरम्यान संशयितासह त्याचे साथीदार दबा धरून बसले होते. त्यांनी शिवकुमार यांची मोटारसायकल अडविली. लोखंडी रॉडने त्यांच्या हातावर, पायावर, पाठीत मारहाण केली. या मारहाणीत शिवकुमार यांच्या पायाला, हाताला गंभीर दुखापत झाली. त्यांच्यावर सांगली येथील खासगी रुग्णालयात उपचार सुरू आहेत. या प्रकरणी पोलिसांनी मंगळवारी तिघांना चौकशीसाठी ताब्यात घेतले. अन्य संशयितांचा शोध सुरू असल्याचे तपास अधिकारी सहाय्यक पोलिस निरीक्षक अनिल जाधव यांनी साम टीव्हीशी बाेलताना सांगितले.

दरम्यान खुनी हल्ल्याप्रकरणी शिवसेनेचा तालुकाप्रमुख (शिंदे गट) (Eknath Shinde) सागर मलगुंडे याच्यासह त्याच्या सहा साथीदारांवर इस्लामपूर पोलिस ठाण्यात गुन्हा दाखल करण्यात आला आहे. शिंदे गटात या म्हणून हल्ला केल्याचे आरोप नगरसेविका प्रतिभा शिंदे आणि त्याचे पती शिवकुमार दिनकर शिंदे यांनी केला आहे. (Uddhav Thackeray News)

Edited By : Siddharth Latkar