सचिन कदम

Raigad Khalapur Irshalgad Landslide News and Updates : रायगड  जिल्ह्यातील खालापूरजवळ इर्शाळवाडी येथील वस्तीवर काल रात्री दु:खाचा डोंगर कोसळला आहे. अनेक संसार या दरड दुर्घटनेत उद्ध्वस्त झाले आहे. या दुर्घटनेत जे बचावले आहेत,ते जीवलगांच्या परत येण्याकडे डोळे लावून बसले आहे.

घटनास्थळावरील परिस्थिती कठीण नातेवाईकांचे अश्रू थांबता थांबत नाहीत. इर्शाळवाडीतील एक मुलगीही सुदैवाने बचावली आहे. ही मुलगी आश्रमशाळेत शिक्षण घेत असल्याने घरापासून लांब होती. जयश्री वाघ असं या मुलीचं नाव आहे. इर्शाळवाडीत राहणाऱ्या किसन वाघ यांची ही मुलगी आहे.

जयश्रीचे आजी-आजोबा, आई-वडील, भाऊ असे सर्वच दरड दुर्घटनेमध्ये गाडले गेले आहेत. जयश्री आश्रमशाळेत होती म्हणून ती वाचली. मे महिन्यात मुलगी आपल्या कुटुंबीयांना भेटून पुन्हा आश्रमशाळेत गेली होती. (Latest News)

मात्र दुर्घटनेनंतर जयश्री इर्शाळवाडीत परतली तर तिचे डोळे तिच्या कुटुंबियांना शोधत आहेत. तिचे हुंदके आणि डोळ्यातील अश्रू थांबायचं नाही घेत नाहीत. आपण पोरकं झाल्याचं दु:ख तिच्या डोळ्यात दिसत आहे. मात्र आपले कुटुंबिय ढिगाऱ्याखाली सुखरुप सापडतील ही आशा तिला आहे. आपलं दु:ख बाजूला सारून एकट्या पडलेल्या जयश्रीला नातेवाईक धीर देताना दिसत आहेत.