बीड: भारतीय सैन्य दलात जम्मू कश्मीरमध्ये (Jammu and Kashmir) ड्युटी करणाऱ्या, जवान भारत रामराव राठोड यांचा पुण्यात (Pune) उपचारादरम्यान मृत्यू झाला आहे. भारत राठोड हे बीडच्या (Beed) माजलगाव तालुक्यात असणाऱ्या, बाराभाई तांडा, राजेगाव येथील आहेत. घरची परिस्थिती हलाखीची आणि मनात देशसेवा करण्याचं स्वप्न असल्याने, 2012 मध्ये, ते नागपूर (Nagpur) येथे सैन्य दलात भरती झाले होते.

हे देखील पहा-

जम्मू येथे जनरल ड्युटीवर असतांना भारत राठोड आजारी पडल्याने त्यांना पुण्यातील कमांडो रुग्णालयात (hospital) उपचारासाठी दाखल करण्यात आले होते. मात्र, उपचार सुरू असतांनाच जवान भारत राठोड यांची प्राणज्योत मालवली आहे. अहमदनगर (Ahmednagar) येथे त्यांना आर्मीच्या तुकडीने मानवंदना देण्यात आली आहे. तर आज त्यांच्या पार्थिवावर बारभाई तांडा राजेगाव येथे, शासकीय इतमामात अंत्यसंस्कार (Funeral) करण्यात आले आहेत.

यावेळी हजारोंचा जनसमुदाय उपस्थित होता. यावेळी '"अमर रहे अमर रहे, भारत राठोड अमर रहे". "भारत माता की जय". जय जवान जय किसान यासह अनेक घोषणांनी हजारो नागरिकांनी त्यांना, साश्रूनयनांनी अखेरचा निरोप देण्यात आला.

Edited By- Digambar Jadhav