भारतीय रेल्वेमध्ये मोठ्या प्रमाणावर संरचनात्मक सुधारणा सुरू असून त्याचा थेट फायदा महाराष्ट्राला होणार असल्याची माहिती केंद्रीय रेल्वे मंत्री अश्विनी वैष्णव यांनी लोकसभेत दिली. खासदारांनी विचारलेल्या प्रश्नांना उत्तर देताना ही माहिती दिली. केंद्रीय अर्थसंकल्प 2026-27 मध्ये भारतीय रेल्वेसाठी सुमारे 2.78 लाख कोटींची विक्रमी तरतूद करण्यात आली आहे. तसेच 2025-26 दरम्यान 71 हजार विशेष गाड्या चालवून लाखो प्रवाशांना सेवा देण्याचे आल्याचे त्यांनी सांगितले. पुढे ते म्हणाले, प्रवाशांच्या सोयीसाठी देशभरातील 75 स्थानकांवर होल्डिंग एरिया उभारले जात आहेत.

याशिवाय सुमारे 60 हजार कोटींच्या अनुदानामुळे प्रवाशांना सरासरी 45 टक्के सवलतीत प्रवास करता येत असून रेल्वे हे जगातील सर्वात परवडणाऱ्या वाहतूक साधनांपैकी एक ठरत आहे. रेल्वे स्थानक पुनर्विकास कार्यक्रम अंतर्गत देशातील 1300 स्थानकांचे आधुनिकीकरण सुरू आहे. यापैकी 180 स्थानकांचे पूर्ण झाले आऊन 500 स्थानकांचे काम शेवटच्या टप्प्यात आहे.

महाराष्ट्रासाठी मोठे निर्णय

मुंबई उपनगरीय रेल्वेसाठी केंद्र सरकारकडून 3000 कोटींचे अनुदान दिले जात असून यामुळे लाखो प्रवाशांचा प्रवास परवडणारा झाला आहे. प्रवाशांच्या सुरक्षेसाठी मुंबईमध्ये 238 नवीन स्वयंचलित दरवाजे (Automatic Doar) असलेल्या लोकल गाड्या तयार केल्या जात आहेत. तसेच मुंबई आणि पुणे यांसह 48 शहरांमध्ये रेल्वे क्षमतेत वाढ करण्यासाठी नवीन प्लॅटफॉर्म, टर्मिनल्स आणि पायाभूत सुविधा उभारल्या जात आहेत.

मुंबई ते पुणे फक्त 48 मिनिटांत

देशात 7 बुलेट ट्रेन प्रकल्प सुरू असून Mumbai-pune-bullet train मार्गामुळे प्रवासाचा वेळ अवघ्या 48 मिनिटांपर्यंत कमी होणार आहे. तसेच Pune-Hyderabad Bullet Train प्रकल्पामुळे हा प्रवास सुमारे 2 तासांत पूर्ण होईल अशी अपेक्षा त्यांनी व्यक्त केली आहे.

नाशिक कुंभमेळासाठी मास्टर प्लॅन

नाशिक येथे होणाऱ्या आगामी कुंभमेळ्याच्या पार्श्वभूमीवर रेल्वेकडून मोठ्या प्रमाणात तयारी सुरू आहे. नाशिक रोड, देवळाली, ओढा, खेरवाडी आणि कसबे सुकाणे स्थानकांसाठी मास्टर प्लॅन करण्यातर आला आहे. या अंतर्गत 17 नवीन रोड ओव्हर ब्रिज आणि 19 भुयारी मार्ग उभारण्याचे काम सुरू आहे