सातारा : साताऱ्यात पोटच्या दीड वर्षाच्या मुलीला थोड्याश्या पैशांसाठी विकण्याचा धक्कादायक प्रकार उघडकीस आला आल्याने खळबळ माजली आहे. अवघे 15 हजार रुपये घेऊन पोटच्या दीड वर्षाच्या लहान मुलीला (Girl) एका कुचेकर दांपत्याने विकल्याचे असल्याची बाब समोर आली आहे.

साताऱ्यातीलच (Satara) बाबर दांपत्याने हे बाळ 15 हजार रुपये देऊन स्वतःजवळ ठेवून घेतले असल्याचे पोलिसांनी सांगितले आहे. हा सर्व प्रकार दोन्ही बाजूने संशयास्पद असल्यामुळे याचा तपास शहर पोलिस करत असून याबाबतची तक्रार शहर ठाण्यात करण्यात आली आहे.

सातारा पोलिस (Police) या प्रकरणाचा तपास (Investigation) करत आहेत. संबंधित दीड वर्षाच्या लहान मुलीला पोलिसांनी म्हसवड येथील शिशु बाल सुधार केंद्रात दाखल केले असल्याचे अतिरिक्त पोलीस अधीक्षक अजित बोऱ्हाडे यांनी सांगितले आहे.

Edited By : Krushnarav Sathe