राज्यातील प्रमुख जिल्हयांपैकी एक असणाऱ्या नाशिक जिल्ह्याचे जिल्हाधिकारी जलज शर्मा यांची बदली झाली असून त्यांच्या जागी जळगावचे जिल्हाधिकारी आयुष प्रसाद यांची नवे जिल्हाधिकारी म्हणून् नियुक्ती करण्यात आली आहे. आगामी कुंभमेळ्याच्या आधीची बदली झाल्याने चर्चांना उधाण आले आहे.
जलज शर्मा यांच्याकडून जिल्हाधिकारीपदाचा पदभार काढून घेत त्यांची नाशिक महानगर प्रदेश विकास प्राधिकारणाचे आयुक्त म्हणून जबाबदारी देण्यात आली आहे. पुणे येथील पिंपरी चिंचवड महानगरपालिकेचे आयुक्त शेखर सिंह यांची नाशिक सिंहस्थ कुंभमेळा आयुक्त म्हणून नियुक्ती करण्यात आली आहे.
तसेच राज्यातील आज दहा आयएएस अधिकऱ्यांच्या बदल्या करण्यात आल्या आहे. यामध्ये जलज शर्मा यांच्यासह नऊ अधिकाऱ्यांचा समावेश आहे.
कोणत्या IAS अधिकाऱ्यांची कुठे बदली?
रत्नागिरीचे जिल्हाधिकारी देवेंद्र सिंह यांची महाराष्ट्र प्रदूषण नियंत्रण मंडळ, मुंबई येथे सदस्य सचिव म्हणून नियुक्ती करण्यात आली आहे.
पिंपरी चिंचवड महानगरपालिकेचे आयुक्त शेखर सिंह यांची नाशिक कुंभमेळा आयुक्त म्हणून नियुक्ती करण्यात आली आहे.
नाशिकचे जिल्हाधिकारी जलज शर्मा यांची नाशिक महानगर प्रादेशिक विकास प्राधिकरणाचे (NMRDA) महानगर आयुक्त म्हणून नियुक्ती झाली आहे.
जळगावचे जिल्हाधिकारी आयुष प्रसाद यांची नाशिकचे जिल्हाधिकारी म्हणून बदली करण्यात आली आहे.
ठाणे जिल्हा परिषदेचे मुख्य कार्यकारी अधिकारी रोहन घुघे यांची जळगावचे जिल्हाधिकारी म्हणून नियुक्ती झाली आहे.
शिवशाही पुनर्वसन प्रकल्प, मुंबईचे व्यवस्थापकीय संचालक संजय कोलटे यांची साखर आयुक्त, पुणे या रिक्त पदावर नियुक्ती करण्यात आली आहे.
महाराष्ट्र राज्य मार्ग विकास महामंडळाचे संयुक्त व्यवस्थापकीय संचालक मनोज जिंदल यांची रत्नागिरी जिल्हाधिकारी म्हणून बदली करण्यात आली आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.